Jahon chempionatidan keyin muxlislar yig‘ilgan maydonlar chiqindiga to‘ldi

Minglab muxlislar Ispaniya terma jamoasining Jahon chempionati finalidagi o‘yinini tomosha qilish uchun maydonlarga yig‘ildi. O‘yin yakunlanib, Ispaniya g‘alaba qozongach, muxlislar g‘alabani nishonlashgan. Bayram yakunida maydonlar plastik idishlar, qog‘oz stakanlar, oziq-ovqat qoldiqlari va boshqa chiqindilar bilan to‘lgan. Mazkur holat aks etgan videolar ijtimoiy tarmoqlarda keng tarqalib, muhokamalarga sabab bo‘ldi. Odamlar tarqalishi bilan shahar tozalash xizmatlari hududlarni tartibga keltirgan.