Hindistonda erkak oshqozonidan 50 dan ortiq begona jism chiqarildi

Hindistonda shifokorlar 40 yoshli erkakning oshqozonidan 29 ta metall qoshiq, 19 ta tish cho‘tkasi va 2 ta ruchkani olib tashlashdi. U avval Utta-Pradesh shtatidagi narkomaniya davolash markazida bo‘lgan, keyin qorindagi og‘riqlar sabab shifoxonaga yotqizilgan. Tekshiruvda oshqozonida o‘nlab begona jismlar borligi aniqlangan. Erkakning aytishicha, markazda unga yomon munosabatda bo‘lishgan va kuchli tashvish sababli qo‘liga tushgan narsalarni yutishni boshlagan.