Dunyoning eng qimmat reklamalaridan biri — Chanel No.5 × Nicole Kidman

Reklama olamidagi eng yirik va eng hashamatli loyihalardan biri — Chanel No.5 uchun suratga olingan mashhur “The Film” mini-fituridir. 2004-yilda rejissor Baz Lurman tomonidan yaratilgan ushbu to‘rt daqiqalik reklama nafaqat Chanel tarixidagi, balki butun reklama sanoatidagi eng qimmat mahsulotlardan biri sifatida tanilgan.

Uning umumiy ishlab chiqarish xarajati 33 million dollarni tashkil etgan bo‘lib, bu summa ko‘plab to‘liq metrajli filmlar budjetiga teng.

 Nicole Kidman — reklamaning yuragi

Bosh rolni Gollivud yulduzi Nicole Kidman ijro etgan. U loyiha uchun 3,7 million dollar gonorar olgan va reklamadagi obraz — Chanel ayolining nafisligi, sirli qiyofasi va zamonaviylikni mujassamlashtirgan timsolga aylangan.

 Premyera va global muvaffaqiyat

Reklamaning ilk namoyishi 2004-yil 1-noyabr kuni AQSh kinoteatrlarida bo‘lib o‘tgan. Shundan so‘ng mini-film Avstraliya, Buyuk Britaniya, Frantsiya, Niderlandiya va dunyoning boshqa mamlakatlarida ham namoyish etilgan.

 Chanel No.5 — bu faqat atir emas

Chanel No.5 o‘z tarixida ko‘plab san’at, moda va kino asarlariga ilhom bergan. “The Film” esa brendning shuhratini yanada mustahkamlab, Chanel No.5’ni reklama san’atining eng yuksak namunalaridan biriga aylantirdi.
Bugun ham bu reklama o‘z estetikasi, musiqasi va kinematografiyasi bilan dunyodagi eng nufuzli brend hikoyalaridan biri sifatida eslanadi.