“Moana” jonli remeyki suratga olish ishlari yakunlandi

“Moana” jonli remeyki suratga olish ishlari yakunlandi

Disney’ning eng sevimli animatsiyalaridan biri — “Moana” filmi asosida yaratilayotgan jonli remeyk nihoyat suratga olish jarayonlarini yakunladi. Loyiha ustida bir necha oy davom etgan ishlar nihoyasiga yetar ekan, muxlislar endi filmning ilk treyleri va taqdimotini intiqlik bilan kutmoqda.

Yangi filmda Moananing mashhur sarguzashtlari, okean bilan bog‘lanishi, Maui bilan do‘stligi va Polineziya madaniyatining yorqin tasvirlari yanada realistik, jonli kadrlar orqali namoyish etilishi kutilmoqda.

Loyihada Dwayne “The Rock” Johnson yana Maui rolini ijro etayotgani esa muxlislar orasida katta qiziqish uyg‘otgan. Remeyk o‘zida nafaqat nostalgiya, balki yangi vizual effektlar, kengaytirilgan syujet va chuqurlashtirilgan obrazlarni ham jamlashga va’da bermoqda.

Disney vakillariga ko‘ra, film yaqin oylar ichida post-prodakshn bosqichiga o‘tadi va global premyera sanasi tez orada e’lon qilinadi.