Farrux Omonov Prezident Xalq qabulxonasi boshlig‘i bo‘ldi

Prezident administratsiyasi Kommunikatsiyalar departamenti boshlig‘i o‘rinbosari lavozimida ishlab kelayotgan Farrux Omonov Prezident Xalq qabulxonasi boshlig‘i lavozimiga tayinlandi. Bu haqda davlat rahbari matbuot kotibi ma’lum qildi. U mazkur tayinlov munosabati bilan avval egallab turgan lavozimidan ozod etildi. Ma’lumot uchun, Farrux Farhodjonovich Omonov 1988-yilda tug‘ilib, Toshkent davlat iqtisodiyot universitetini bitirgan. Hozirda, prezident huzuridagi Davlat boshqaruvi akademiyasining bitiruvchisidir. Shuningdek, u avval Moliya vazirligi, Savdo-sanoat palatasi hamda Yoshlar ishlari agentligi tizimida faoliyat yuritgan.