Pokiston poytaxtida portlash yuz berdi

6-fevral kuni Islomobodda juma namozi paytida masjidda portlash sodir bo‘ldi. Mahalliy OAV ma’lumotlariga ko‘ra, kamida 18 kishi halok bo‘lgan, 80 dan ortiq odam yaralangan. Portlash xudkush terrorchi tomonidan amalga oshirilgan. Xavfsizlik xodimlari hujumchini ichkariga kiritmasdan to‘xtatib qolgan, bu esa namozxonlar bo‘lgan asosiy zalga zarar yetishining oldini olgan. Portlash oqibatida masjid darvozasi shikastlangan va yaqin binolarning oynalari singan. Shahar bo‘ylab favqulodda holat e’lon qilindi.