Ekologiya inspektori xizmat vaqtida halok bo‘ldi

Sirdaryo daryosida tezkor reyd vaqtida ekologiya inspeksiyasi xodimi Mirzo Botirov halok bo‘ldi. Bu haqda Ekologiya va iqlim o‘zgarishi milliy qo‘mitasi ma’lum qildi.
Ma’lum qilinishicha, 9-sentabr kuni soat 23:00 da o‘tkazilgan reyd davomida Botirov elektr qarmoq yordamida baliq ovlayotgan huquqbuzarlarning qarshiligiga uchrab, suvga tushib ketgan. Qidiruv ishlari natijasida uning jasadi 10-sentyabr kuni topilgan.
Hozirda voqea tafsilotlari o‘rganilmoqda. Marhumning oilasiga moddiy va ma’naviy yordam ko‘rsatilmoqda. Mirzo Botirov xizmatlari va ko‘rsatgan jasorati uchun “Tabiat himoyachisi” ko‘krak nishoni bilan taqdirlanadi.