Kiber firibgarlar Ravshan Ermatovning dipfeykini yaratib, pul ishlashga urinishdi

Kiber firibgarlar Ravshan Ermatovning dipfeykini yaratib, pul ishlashga urinishdi

Kiber firibgarlar futbol hakami Ravshan Ermatovning surati yordamida uning dipfeykini yaratib firibgarlik qilishga urinishdi.

Ijtimoiy tarmoqlarda taniqli futbol hakami Ravshan Ermatovning videosi tarqaldi. Soxta videoda O‘zbekiston futbol assotsiatsiyasining birinchi vitse-prezidenti Ravshan Ermatov pul ishlashning yangi usuli haqida gapiradi, uning siri juda oddiy: siz uning “singlisi Gulnora”ning Telegram kanaliga obuna bo‘lishingiz va unga xabar yozishingiz kerak bo‘ladi. Shundan so‘ng u minimal sarmoya bilan uch soat ichida to‘rt million so‘m pul ishlash haqida gapirib beradi.

“U hammaga yordam beradi. Obuna bo‘ling va minimal sarmoyalar bilan pul ishlang”, deyiladi soxta videoda.

“Ushbu videodagi ma’lumotlar yolg‘on. U sun’iy intellekt yordamida yaratilgan. Ushbu videodagi audio xabar soxtalashtirilgan. Biz o‘zbekistonliklarni bunday videolarga ishonmaslikka chaqiramiz”, dedi kiberxavfsizlik markazi mutaxassislari. Shuningdek, bo‘lim ijtimoiy tarmoqlarda tarqatilgan xabarlarni ikki marta tekshirishga, faqat ishonchli manbalarga ishonishga va bank kartasining SMS-kodini hech kimga bermaslikka chaqirdi.