Tramp Makronni urushda yordam bermagani uchun masxara qildi

AQSH prezidenti Donald Tramp Fransiya prezidenti Emmanuel Makronni masxara qildi. Trampning aytishicha, Fransiya kabi ayrim davlatlar AQSH va Isroilning Eronga qarshi urushiga yordam berishdan bosh tortgan. Shu sabab u Fransiya va boshqa ittifoqchilarni tanqid qildi va Makronning rafiqasidan tarsaki yeganiga ishora qilib, uni masxaraladi.

O‘tgan yili Makron Vyetnamga tashrifi chog‘ida samolyotdan tushayotgan paytda rafiqasidan “shapaloq yegani” aks etgan video virusdek tarqalib, memga aylangandi.