Dunyoda ilk bor nogiron ayol kosmosga parvoz qildi

Germaniyalik muhandis Mikaela Benthaus tarixda ilk bor nogironligi bo‘lgan shaxs sifatida kosmosga chiqdi. U pastki tana qismi falaj bo‘lishiga qaramay, Blue Origin kompaniyasining New Shepard kemasida 11 daqiqalik suborbital parvozni amalga oshirdi.
33 yoshli Benthaus 2018-yildagi baxtsiz hodisadan so‘ng nogironlar aravachasida harakatlanadi. Parvozdan so‘ng u: “Hech qachon orzulardan voz kechmaslik kerak”, — dedi.
Bu parvoz Blue Origin’ning 16-pilotli missiyasi bo‘ldi. Deutsche Welle xabariga ko‘ra, so‘nggi yillarda kompaniya orqali 80 ga yaqin kishi qisqa kosmik parvozlarda qatnashgan.