Samsung Galaxy S25 muhim yangilanish oldi – ko‘proq RAM

Hali rasman taqdim etilmagan Samsung Galaxy S25 Geekbench’da sinovdan o‘tkazildi, buning natijasida operativ xotira hajmi oshgani ma’lum bo‘ldi: endi u Galaxy S24 kabi 8 Gb emas, 12 Gb operativ xotiraga ega. Xotiraning 50% ga oshishi interfeysning silliqligiga, resurs talab qiladigan ilovalarning ishlashiga va SI funksiyalariga ijobiy ta’sir ko‘rsatishi kerak.

Dastlabki ma’lumotlar va Geekbench testlariga ko‘ra, Galaxy S25 Plus xuddi shunday 12 Gb, Galaxy S25 Ultra esa 16 Gb tezkor xotiraga ega bo‘ladi. Samsung flagmanlarining yangi qatori premyerasi 2025-yilning yanvarida o‘tkaziladi.