🍰 Bolalikdagi eng mazali 😋rulet

Biskvit uchun:
4 dona tuxum
120 gr shakar
120 gr un

Kremi uchun:
130 gr sariyog‘
150 gr qaynatilgan quyultirilgan sut
 
Tayyorlanishi:
Tuxumlarni shakar bilan oq rangli, quyuq ko‘pik hosil bo‘lguncha yaxshilab ko‘pirtiramiz. Biskvitning qanchalik yumshoq va havodor chiqishi aynan shu bosqichga bog‘liq. Keyin unni ehtiyotkorlik bilan qo‘shamiz. Xamirning tuzilishini buzib yubormaslik va biskvit yaxshi ko‘tarilishi uchun unni sekin aralashtirish kerak. Xamirni pergament qog‘ozi to‘shalgan patnisga quyamiz. Biskvitni 180°C haroratda taxminan 12–15 daqiqa pishiramiz. Krem uchun sariyog‘ va qaynatilgan quyultirilgan sutni oldindan muzlatkichdan olib qo‘yamiz. Ular bir xil xona haroratida bo‘lishi kerak. Ikkalasini bir xil massa hosil bo‘lguncha yaxshilab ko‘pirtiramiz. Tayyor biskvitni pechdan olib, ag‘darib qo‘yamiz va bir-ikki daqiqa sovishini kutamiz. So‘ng, darhol kremni surtib, biskvitni hali iliq paytida rulet qilib o‘raymiz. Bu juda muhim, chunki biskvit sovib qolsa, o‘rash vaqtida yorilib ketishi mumkin. Tayyor ruletni taxminan 1 soat muzlatkichga qo‘yamiz.
Mazali ruletimiz tayyor! 😋🤍

Yoqimli ishtaha!