Metan zapravkalariga qo‘yilgan vaqtinchalik cheklovlar bekor qilindi

Energetika vazirligi ma’lumotiga ko‘ra, 22-dekabrdan boshlab mamlakat bo‘ylab metan yoqilg‘isi quyish shoxobchalari odatdagi tartibda faoliyatini davom ettiradi. Xususan, 22-dekabr kuni soat 10:00 dan 16:00 gacha zapravkalar cheklovlarsiz ishlaydi.

Avvalroq tabiiy gaz bosimini barqaror saqlash, xususan, aholi uy-joylari va ijtimoiy obyektlarda gaz ta’minotida uzilishlarning oldini olish maqsadida metan zapravkalar faoliyatiga vaqtinchalik cheklovlar joriy etilgandi.