SpaceX va Google koinotda ma’lumot markazlari ochishni rejalashtirmoqda

Google va SpaceX koinotda orbital ma’lumotlar markazlarini yaratish bo‘yicha hamkorlik qilishi mumkin. The Wall Street Journal ma’lumotiga ko‘ra, kompaniyalar raketa uchirish va sun’iy yo‘ldoshlar orqali ma’lumot markazlarini koinotga joylashtirishni muhokama qilmoqda.

Loyihaga ko‘ra, Google “Project Suncatcher” doirasida 2027-yilgacha sun’iy yo‘ldosh prototiplarini uchirishni rejalashtirgan. SpaceX esa bu texnologiyani rivojlantirish va uchirish jarayonlarida asosiy hamkor bo‘lishi kutilmoqda.

Mutaxassislar fikricha, koinotdagi ma’lumot markazlari Yerda energiya va joy yetishmasligi muammosini kamaytirishi mumkin, chunki ular quyosh energiyasidan foydalanadi. Hozircha bu loyiha muzokara va sinov bosqichida bo‘lib, yakuniy qarorlar e’lon qilinmagan.