Shavkat Mirziyoyevning Pokistonga tashrifi: Hamkorlik yangi bosqichga ko‘tarildi

5–6 fevral kunlari Prezident Shavkat Mirziyoyev davlat tashrifi bilan Pokistonda bo‘ldi. Islomobodda u Pokiston Bosh vaziri Shahboz Sharif va Prezident Asif Ali Zardoriy bilan rasmiy uchrashuvlar o‘tkazdi. Tashrif doirasida Strategik hamkorlik kengashi yig‘ilishi bo‘lib o‘tdi, shuningdek, savdo, iqtisodiyot, transport, energetika, mudofaa, ta’lim va madaniyat sohalarida hamkorlikni kengaytirishga qaratilgan 20 dan ortiq bitim va qo‘shma bayonot imzolandi. Yaqin yillarda ikki davlat o‘rtasidagi tovar ayirboshlash hajmini 2 milliard dollarga yetkazish maqsadi belgilandi. Mirziyoyev Pokistonda faxriy doktor va professor unvonlari hamda “Nishoni Pokiston” ordeni bilan taqdirlandi. Ushbu tashrif O‘zbekiston–Pokiston strategik sherikligini yangi bosqichga olib chiqdi.