🤖 Sem Altman: “Har qanday istakni amalga oshira oladigan sun’iy intellektga yaqinlashdik”

OpenAI bosh direktori Sem Altmanning aytishicha, sun’iy intellekt rivoji insonlarning deyarli har qanday vazifasini bajara oladigan darajaga yaqinlashmoqda. U bunday tizimni “har qanday istakni amalga oshira oladigan jin”ga qiyosladi.
Altmanning ta’kidlashicha, kelajakdagi sun’iy intellekt nafaqat savollarga javob beradigan chatbot, balki mustaqil ilmiy tadqiqotlar olib boradigan, katta hajmdagi ma’lumotlarni tahlil qiladigan va olimlar hamda muhandislarga yangi kashfiyotlarda yordam beradigan kuchli raqamli yordamchiga aylanadi.
Shu bilan birga, u sun’iy intellekt bir guruh yoki kompaniya qo‘lida jamlanib, nazorat vositasiga aylanishi xavfidan ogohlantirdi. OpenAI’ning asosiy maqsadi esa ushbu texnologiyani xavfsiz, ommabop va keng jamoatchilik uchun foydali qilish ekanini ta’kidladi.