Saida Mirziyoyeva: “Maqsad — xalq hayotini yaxshilash, har bir inson muhim”

Prezident administratsiyasi rahbari Saida Mirziyoyeva ilk katta intervyusida davlat boshqaruvidagi asosiy tamoyillarini ochiqladi. Uning aytishicha, Prezident administratsiyasi strategik yo‘nalishlarni ishlab chiqadi va ijro apparati faoliyatini aniq yo‘naltirib boradi.

U bugungi davrni “islohotlar davri” deb atab, tizimdagi o‘zgarishlar uzluksiz nazorat va katta mas’uliyat talab qilishini ta’kidladi. Mirziyoyeva xalqaro diplomatiya va muloqotni eng yoqadigan yo‘nalishi sifatida ko‘rsatib, “har bir inson muhim” degan qarashni asosiy maqsad sifatida belgiladi.