Saida Mirziyoyeva Tatariston raisi bilan hamkorlik masalalarini muhokama qildi

Prezident administratsiyasi rahbari Saida Mirziyoyeva 1-dekabr kuni Tatariston Respublikasida Tatariston raisi Rustam Minnixanov bilan uchrashdi. Tomonlar O‘zbekiston va Tatariston o‘rtasidagi savdo-iqtisodiy hamkorlikning ustuvor yo‘nalishlarini ko‘rib chiqdi.

Saida Mirziyoyeva xalqlar o‘rtasidagi tarixiy yaqinlik, madaniy aloqalar va gumanitar hamkorlikka alohida e’tibor qaratilganini ta’kidladi. Uning aytishicha, O‘zbekistonda eng katta tatar diasporalaridan biri yashaydi, Tatariston esa Rossiyada O‘zbekistonning muhim ta’lim hamkorlaridan biridir — hozirda bu yerda 3,5 mingdan ortiq o‘zbekistonlik talaba o‘qimoqda.

Uchrashuv yakunida Mirziyoyeva o‘zaro manfaatli hamkorlik yanada mustahkamlanishiga ishonch bildirdi.