Ramzan Qodirovning kenja o‘g‘li avtohalokatga uchradi

Checheniston rahbari Ramzan Qodirovning o‘g‘li Adam Qodirov og‘ir yo‘l-transport hodisasiga uchragani haqida xabarlar tarqaldi. Chechen muxolif NIYSO kanaliga ko‘ra, Adam Qodirov Respublika shifoxonasining reanimatsiya bo‘limiga yotqizilgan va uni Moskvaga ko‘chirish masalasi ko‘rib chiqilmoqda. Hodisadan so‘ng Grozniyning ayrim hududlari vaqtincha yopilgani aytilmoqda.
Manbalarga ko‘ra, uning korteji yuqori tezlikda harakatlangan va to‘satdan to‘siqqa duch kelgan, natijada mashinalar bir-biriga urilgan. Oqibatda bir necha kishi jarohat olgan.

Adam Qodirov Checheniston rahbarining eng ko‘p muhokama qilinadigan farzandlaridan biri hisoblanadi. U Checheniston Xavfsizlik kengashi kotibi, rahbarning xavfsizlik xizmati boshlig‘i, IIV kuratori hamda G‘azoga insonparvarlik yordami fondi koordinatori hisoblanadi.