Ramazon oyi qachondan boshlanishi ma’lum bo‘ldi

Turkiy davlatlar tashkiloti (TDT) Musulmon diniy idoralari rahbarlari kengashining Fatvo hay’ati Samarqandda bo‘lib o‘tgan yig‘ilishida 2026-yil Ramazon oyining birinchi kunini 19-fevral, payshanba kuni, Ramazon hayitini esa 20-mart, juma kuni deb belgiladi. Fatvo hay’ati qarori turkiy davlatlar musulmon jamoalarining birlik va diniy amaliyotlarni zamonaviy ilmiy hisob-kitoblar bilan uyg‘un saqlashga sodiqligini ko‘rsatadi. Maslahat yig‘ilishi 2–4 fevral kunlari Samarqandda o‘tkazilgan bo‘lib, unda TDT a’zo mamlakatlari (Turkiya, Ozarbayjon, Qozog‘iston, Qirg‘iziston, O‘zbekiston) va kuzatuvchi davlatlar (Turkmaniston, Vengriya) diniy idoralari vakillari ishtirok etgan.