Prezident Gulistondagi portlashda jabrlanganlarning holidan xabar oldi

Shavkat Mirziyoyev 4-dekabr kuni sanoat korxonalari faoliyati va mahallalardagi bunyodkorlik ishlari bilan tanishish hamda Xalq deputatlari Sirdaryo viloyati Kengashining navbatdan tashqari sessiyasida ishtirok etish uchun Sirdaryoga bordi. Tashrif doirasida Mirziyoyev Gulistonda ro‘y bergan portlashda jabrlanganlarning holidan xabar olib, ularning yaqinlashi bilan suhbatlashdi.

Eslatib o‘tamiz, 2-dekabr kuni Gulistondagi bozorda gaz balloni portlashi kamida uch kishining umriga zomin bo‘ldi. Yana 26 kishi jarohatlanib shifoxonaga yotqizilgan. Jabrlanganlarning ikki nafari homilador ayollar.