Endilikda my.gov.uz orqali telefon raqamini boshqa shaxs nomiga o‘tkazish mumkin

Avvallari bu jarayon ancha murakkab va vaqt talab qiluvchi edi. Raqam egasini o‘zgartirish uchun har ikki tomon — hozirgi egasi va yangi egasi aloqa operatorining xizmat ko‘rsatish markaziga shaxsan borishi, navbat kutishi va tegishli hujjatlarni joyida imzolashi kerak bo‘lardi. Bu esa ko‘pincha ortiqcha vaqt sarfi va noqulayliklarga sabab bo‘lardi.

Endilikda esa ushbu jarayon to‘liq raqamlashtirildi. Foydalanuvchilar my.gov.uz portali orqali ariza topshirishlari, shaxsni tasdiqlash (identifikatsiya) jarayonidan o‘tishlari va barcha zarur amallarni masofadan turib bajarishlari mumkin.