Shimoliy Koreya Yaponiya tarafga ballistik raketa uchirdi

14-mart kuni Shimoliy Koreya Yapon dengizi tomon 10 dan ortiq ballistik raketa uchirdi. Raketalar mamlakatning eksklyuziv iqtisodiy zonasidan tashqariga qulagan, hozircha zarar haqida ma’lumot yo‘q. Yaponiya bosh vaziri Sanae Takaichi hukumatga barcha ma’lumotlarni yig‘ish va samolyotlar hamda kemalarning xavfsizligini ta’minlash bo‘yicha ko‘rsatma berdi.

Ushbu raketa sinovi Kim va Tramp o‘rtasida uchrashuv bo‘lishi mumkin degan taxminlar kuchaygan paytda sodir bo‘ldi. Janubiy Koreya bosh vaziri Kim Min Sok 13‑martda Trampning Shimoliy Koreya bilan muloqotni tiklashga ijobiy qarashini ma’lum qildi. Shu sabab, mart oyi oxirida Trampning Pekinga tashrifi davomida Kim Chen In bilan uchrashish ehtimoli mavjud.