Hindistonda Nipah virusi tarqalmoqda: yuzga yaqin kishi karantinda

Hindistonning G‘arbiy Bengaliya shtatida Nipah virusi bilan kasallanishning beshta tasdiqlangan holati qayd etildi. Hozirga qadar yuzga yaqin kishi karantinga joylashtirilgan, bemorlar Kalkuttadagi shifoxonalarda davolanmoqda, ularning birining ahvoli og‘ir. Nipah virusi o‘limga olib kelishi mumkin va hozircha davosi topilmagan. U ko‘rshapalaklar va zararlangan mevalar orqali yuqishi mumkin. Hindiston hukumati epidemiyaning oldini olishga harakat qilmoqda.