Toshkentda avtobuslarda yangi to‘lov tartibi joriy etiladi

2026-yil 1-sentyabrdan boshlab Toshkent shahridagi shahar avtobuslarida yo‘lkira faqat avtobusga chiqish vaqtida to‘lanadi. Bu haqda hukumat qarori va Transport vazirligi ma’lum qildi.

Yangi tartibga ko‘ra, yo‘lovchilar avtobusga kirishda transport kartasi, bank kartasi, smartfon yoki boshqa kontaktsiz elektron to‘lov vositalari (NFC, QR va boshqalar) orqali to‘lovni amalga oshiradi. Imtiyozli yo‘lovchilar esa maxsus transport yoki ijtimoiy kartalar orqali tasdiqlaydi. Agar yo‘lkira avtobusga chiqish paytida to‘lanmasa, yo‘lovchi chiptasiz yurgan deb hisoblanadi.

Shuningdek, 2027-yil oxirigacha yangi ekologik talablarga javob beradigan avtobuslarni import qilishda bojxona yig‘imi nol stavkada bo‘ladi. Shahar transport tizimini yaxshilash va to‘lovlarni birlashtirish bo‘yicha ham yangi integratsiyalashgan tizim joriy etilishi rejalashtirilgan.