Italiyada huddi filmlardagidek inkassator furgoni o‘g‘riligi

Italiyaning janubidagi Apuliya mintaqasida taxminan o‘n nafar qurollangan jinoyatchilar inkassator furgonini o‘g‘irlashga urindi. Ular avval o‘zlarini politsiya xodimi sifatida ko‘rsatib, furgonni avtomobil bilan kuzatishdi. So‘ng yo‘lni bloklab, yonib turgan yuk mashinasini qo‘yish orqali o‘t to‘sig‘i yaratishdi. Jinoyatchilar harbiy turdagi portlovchi moddalar yordamida furgon eshigini portlatishdi. Voqea joyiga yetib kelgan xavfsizlik kuchlari bilan o‘g‘rilar o‘rtasida otishma yuz berdi. Ikki gumonlanuvchi qo‘lga olindi, qolganlari esa o‘g‘irlangan mashinalar bilan qochib ketdi. Politsiya hodisa tafsilotlarini o‘rganmoqda va jinoyatchilarni qidirmoqda. Tergovchilar bu jinoyatni harbiy tajribaga ega shaxslar rejalashtirgan deb hisoblamoqda.