Jizzaxda alimentdan qarzi bo‘lgan erkak balkondan topildi

Majburiy ijro byurosi (MIB) Jizzax viloyati boshqarmasi xabariga ko‘ra, Do‘stlik tumani bo‘limi tomonidan aliment to‘lovlarini bajarmagani sababli fuqaro M.X.ga nisbatan qidiruv e’lon qilingan. Tezkor tadbirlar davomida u Forish tumanida, shar’iy nikohdagi ayoliga tegishli ko‘p qavatli uyning balkonida yashiringan holatda topildi. Ma’lum bo‘lishicha, erkakning aliment qarzi 43 million so‘mdan oshgan. Qarzdor belgilangan tartibda davlat ijrochisiga topshirildi.