Qozog‘iston–O‘zbekiston chegarasida o‘zbeklardan pul talab qilgan erkak qo‘lga olindi

Ijtimoiy tarmoqlarda Qozog‘iston va O‘zbekiston o‘rtasidagi “Qoplonbek” nazorat-o‘tkazish punktida erkak o‘zbekistonliklarga buragich bilan tahdid qilib, ulardan pul talab qilgani aks etgan video tarqaldi.
Turkiston viloyati politsiyasi holat yuzasidan jinoyat ishi qo‘zg‘atilganini ma’lum qildi. Gumonlanuvchi 43 yoshli, doimiy yashash joyi yo‘q Qozog‘iston fuqarosi ekani aytilgan.
Hozirda u vaqtincha saqlash hibsxonasiga joylashtirilgan va tergov ishlari davom etmoqda.