Tayvanda pichoqli hujum: 3 kishi halok bo‘ldi, 5 kishi jarohatlandi

Tayvan poytaxti Taypeyda 19-dekabr kuni pichoq bilan qurollangan erkak odamlarga hujum qildi. BBC xabariga ko‘ra, hodisa oqibatida kamida 3 kishi vafot etdi, 5 kishi jarohat oldi. Tayvan Bosh vaziri ma’lum qilishicha, 27 yoshli gumonlanuvchi kechki tirbandlik vaqtida markaziy metro bekatida tutunli bombalarni portlatgan, so‘ng gavjum savdo hududi tomon yugurib, yo‘lda odamlarga pichoq bilan hujum qilgan. Gumonlanuvchi keyinchalik o‘zini binodan tashlab, vafot etgan. Hodisa ortidan xavfsizlik choralari kuchaytirildi. Tayvan prezidenti tezkor tergov o‘tkazilishini bildirdi. Ta’kidlanishicha, Tayvanda bunday zo‘ravon hujumlar kam uchraydi; so‘nggi yirik hodisa 2014-yilda qayd etilgan.