Eron voqealari: jasadlar bilan to‘la morglar

Tehrondagi Kahrizak sud-tibbiyot markazi jasadlarga to‘ldi. Xabarlarga ko‘ra, Eron bo‘ylab davom etayotgan ommaviy norozilik namoyishlari kuch bilan bostirilishi oqibatda yuzlab odamlar halok bo‘lgan. Huquq faollari qurbonlar soni 500 nafardan oshganini bildirmoqda, biroq rasmiy ma’lumotlar cheklangan. Internetda tarqalgan tasvirlarda morg oldida yig‘layotgan odamlar, jasadlar solingan qoplar va jasadlarini tanib olish jarayoni aks etgan. Kahrizak markazi jarohatlanganlar va halok bo‘lganlar soni ko‘pligi sabab katta bosim ostida ishlamoqda. Noroziliklar dastlab ijtimoiy-iqtisodiy muammolar fonida boshlangan bo‘lsa-da, keyinchalik keng ko‘lamli hukumatga qarshi chiqishlarga aylandi. Xalqaro hamjamiyat Eronda zo‘ravonliklarni to‘xtatish va inson huquqlariga rioya etishga chaqirmoqda.