Hindistonda vazir hijobli ayolning yuzini ochishga urindi

Hindistonning Bihar shtatida o‘tkazilgan rasmiy marosimda shtat bosh vaziri Nitish Kumar yangi tayinlangan ayol shifokorga hujjat topshirish paytida uning hijobini qo‘li bilan pastga tortib yubordi. Holat aks etgan video ijtimoiy tarmoqlarda tez tarqalib, keskin norozilik uyg‘otdi. Muxolifat partiyalari buni “nomaqbul” va “hurmatsizlik” deb baholab, bosh vazirdan izoh talab qilmoqda. Ayrim siyosiy kuchlar hatto iste’fo chaqiriqlari bilan chiqdi. Rasmiylar voqea yuzasidan hozircha izoh bermagan.