AQSHda immigratsiya xodimlari 5 yoshli bolani hibsga oldi

AQSHning Minnesota shtatidagi Kolumbiya Xayts shahrida maktabgacha ta’lim muassasasidan uyiga qaytayotgan 5 yoshli Liam Koneho Ramos Immigratsiya va Bojxona xizmati (ICE) agentlari tomonidan olib ketildi. Mahalliy maktab okrugi rahbari Zena Stenvikning ma’lum qilishicha, bola oilaning harakatda turgan mashinasidan chiqarib olingan. Stenvik agentlar bolani eshikni taqillatib, uyda yana kimdir bor-yo‘qligini tekshirishga majbur qilganini aytib, buni “boladan o‘lja sifatida foydalanish” deb baholadi.
Biroq ICE bu da’volarni rad etib, bola tashlab ketilganini bildirdi. Amaliyotning asosiy nishoni Ekvadordan bo‘lgan bolaning otasi bo‘lgan va oxir-oqibat ota-bola birga hibsga olingan. Oila advokati ularning AQSHga rasmiy yo‘l bilan kelganini va deportatsiya buyrug‘i yo‘qligini ta’kidladi.
Hozirda Liam Ramos otasi bilan birga Texasdagi immigratsiya hibsxonasida ushlab turilibdi. Bu holat so‘nggi paytlarda Minnesota va boshqa hududlarda kuchaygan deportatsiya tadbirlari fonida jamoatchilikda keskin munozaralarga sabab bo‘lmoqda.