Yuk mashinasi va poyezdning dahshatli to‘qnashuvi

Niderlandiyaning Meteren shahrida dahshatli yo‘l-transport hodisasi sodir bo‘ldi — yo‘lovchi poyezd yarim tirkamali yuk mashinasiga urildi. Guvohlarning so‘zlariga ko‘ra, yuk mashinasi temiryo‘l kesishmasidan o‘tmoqchi bo‘lgan, biroq svetofor signali o‘zgarguncha bir necha bor oldinga va orqaga harakat qilgan. Natijada vaqt yetmay, transport vositasi rels ustida tiqilib qolgan.

Bir necha soniyadan so‘ng tezlikda kelayotgan poyezd yuk mashinasiga urilib, kuchli portlash va yong‘in yuzaga kelgan. Baxtga qarshi, yuk mashinasi haydovchisi zarba paytida kabinani tark etishga ulgurmagan, biroq og‘ir jarohat olgan. Poyezdda bo‘lgan 5 nafar yo‘lovchi yengil tan jarohatlari bilan shifoxonaga yotqizilgan.

Hodisa joyiga politsiya, yong‘in xavfsizligi va tibbiyot xodimlari yetib kelgan. Ayni paytda voqea sabablari tergov qilinmoqda.