Hindistonda gaz ortilgan tanker portladi: 4 kishi halok bo‘ldi

Hindistonning Uttar-Pradesh shtatida suyultirilgan gaz ortilgan tanker portlab ketdi.
Dastlabki ma’lumotlarga ko‘ra, tanker yo‘l to‘sig‘iga urilgach, undan gaz sizib chiqqan va qisqa fursatda alangalanib ketgan.

Hodisa oqibatida 4 kishi halok bo‘ldi, 2 kishi tan jarohati oldi. Yong‘in natijasida 2 ta avtomobil va 16 ta mototsikl yonib ketgan.
Voqea 26-iyun kuni sodir bo‘lgan bo‘lib, uning tasvirlari kuzatuv kameralariga yozib olingan. Hodisa yuzasidan tergov ishlari olib borilmoqda.