Dafn marosimidagi mushtlashuv: marhumning xotini va sevgilisi janjallashdi

Meksikada dafn marosimida marhumning rafiqasi va sevgilisi o‘zaro janjallashib, mushtlashib ketdi. Guvohlarning aytishicha, marhumning xotini jasad yonida yig‘layotgan ayoldan u kimligini so‘ragan, ayol esa o‘zini marhumning sevgilisi deb tanishtirgan. Keyin esa vaziyat keskinlashib, mushtlashuvga aylangan. Oqibatda tobut ham tebranib, qopqog‘i siljib ketgan. 
Voqea aks etgan video ijtimoiy tarmoqlarda keng tarqalib, foydalanuvchilardan biri “marhum jannatga tushmaydi” deb izoh ham qoldirgan.