Pokiston sobiq bosh vaziri Imron Xon va rafiqasi 17 yilga qamaldi

Pokistonda maxsus sud 20-dekabr kuni mamlakat sobiq bosh vaziri Imron Xon va uning rafiqasi Bushra Bibini davlat sovg‘alarini noqonuniy tarzda arzonlashtirilgan narxlarda sotib olish bilan bog‘liq korrupsiya ishi bo‘yicha 17 yillik qamoq jazosiga hukm qildi. Bu haqda Reuters xabar berdi. Sud qaroriga ko‘ra, jazoning 10 yili ishonchni suiiste’mol qilish, 7 yili esa korrupsiyaga qarshi qonunlarni buzish bilan bog‘liq. Shuningdek, er-xotinga katta miqdorda jarima ham belgilandi. Himoya tomoni sud hukmni ularning dalillarini tinglamasdan chiqarganini bildirdi.I sh Saudiya Arabistoni valiahd shahzodasi tomonidan Imron Xonga sovg‘a qilingan qimmatbaho soatlar bilan bog‘liq. Prokuraturaga ko‘ra, sovg‘alar davlat qoidalariga zid ravishda juda arzon narxda sotib olingan va bu byudjetga millionlab rupiy zarar yetkazgan.I mron Xon 2023-yil avgustidan beri qamoqda bo‘lib, hozirda boshqa korrupsiya ishi bo‘yicha ham 14 yillik jazo muddatini o‘tamoqda. Yangi hukm avvalgi jazo yakunlangach kuchga kirishi aytilmoqda. Xon va uning partiyasi ushbu ishlarni siyosiy buyurtma, deb baholamoqda hamda qaror ustidan apellyatsiya berilishini ma’lum qildi.