Navoiyda bolalarga zo‘ravonlik qilgan tarbiyachi qamoqqa olindi

Avvalroq Navoiy shahridagi xususiy bog‘chada tarbiyachi bolalarga qo‘pol muomala qilib, urgani uchun ishdan bo‘shatilgani va bog‘cha faoliyati vaqtincha to‘xtatilgani haqida xabar berilgandi. Holat yuzasidan tarbiyachiga nisbatan jinoyat ishi qo‘zg‘atilib, u qamoqqa olindi.
Aniqlanishicha, tarbiyachi 7-aprel kuni bolalarni “tartibga solish” bahonasida kaltaklagan, shuningdek, avval ham bolalarga nisbatan muntazam zo‘ravonlik qilgan.
Holat yuzasidan tergov harakatlari davom etmoqda.