Eron ko'rgazmasidagi odamsimon robotlar aslida haqiqiy odammi?

Dastlab kadrlardagi harakatlar odamga o‘xshash robotlarni eslatgani uchun ko‘pchilik ularni sun’iy intellekt mahsuli deb o‘yladi. Biroq, videodagi “robotlar” aslida maxsus grim va mexanik yurish texnikalaridan foydalangan haqiqiy odamlar bo‘lganligi ma'lum bo'ldi. Videoni diqqat bilan kuzatgan foydalanuvchilar yuzdagi akne va ba’zi tabiiy inson harakatlari robot sirini fosh qilganini aytishdi. Haqiqiy yuqori texnologiyali robotlarni ishlab chiqarayotgan Tesla va Boston Dynamics kabi kompaniyalar faoliyati bilan solishtirilganda, Eron ko'rgazmasidagi mazkur namoyish ko‘proq “robotga o‘xshash odamlar” konsepsiyasiga asoslangan sahna ko‘rinishi ekani aniq bo‘ldi.