AQSH va Eron kelishuvga erishdi

AQSH va Eron urushni yakunlash, Hormuz bo‘g‘ozini qayta ochish hamda AQSHning Eronga nisbatan dengiz blokadasini bekor qilishni nazarda tutuvchi dastlabki kelishuvga erishdi. Kelishuv rasmiy ravishda shu hafta Shveysariyada imzolanishi kutilmoqda.
Tomonlar 60 kunlik otashkesim davrida kengroq tinchlik bitimi va Eron yadro dasturi bo‘yicha muzokaralarni davom ettiradi. Hormuz bo‘g‘ozining qayta ochilishi haqidagi xabar fonida jahon bozorlarida neft narxlari pasaydi.
Ma’lum qilinishicha, kelishuv Pokiston vositachiligida tuzilgan bo‘lib, Eron ham urush harakatlarini to‘xtatishga tayyorligini tasdiqlagan.