Gizadagi Buyuk Misr muzeyi rasman ochildi — tarix sahifalari jonlandi

Yigirma yillik mehnat va qurilishdan so‘ng, dunyoning eng yirik arxeologik markazlaridan biri bo‘lishga nomzod Gizadagi Buyuk Misr muzeyi rasman eshiklarini ochdi. Muzey mamlakatdagi eng katta va dunyodagi eng yirik arxeologik muzeylardan biri hisoblanadi.

Loyiha qiymati 1 milliard dollarga baholanadi va muzeyning umumiy kolleksiyasi Qadimgi Misr tarixining ming yilliklarini qamrab olgan taxminan 50 000 ta eksponatdan iborat.

Eng e’tiborga molik eksponatlar orasida fir’avn Ramzes II ning 3200 yoshdan oshgan haykali va Tutanxamon xazinalarining to‘liq to‘plami bor. Qariyb bir asr oldin topilgan qabri birinchi marta to‘liq ko‘rgazmada namoyish etilmoqda.

Misr rasmiylariga ko‘ra, muzey yangi sayyohlik markaziga aylanadi. 2030-yilga kelib u butun dunyodan taxminan 30 million sayyohni jalb qilishi kutilmoqda.

Ochilish marosimi ham dunyo miqyosidagi yirik tadbir bo‘lib, unda davlat rahbarlari, qirollik xonadonlari vakillari va madaniyat arboblari ishtirok etdi.

Bu voqea nafaqat Misr, balki butun insoniyat tarixini qadrlash va qadimiy sivilizatsiyani yodga olish uchun muhim bir lahza bo‘ldi.