The Best—2022: Месси – жылдың ойыншысы! ФИФА маусымның үздіктерін марапаттады

Дүйсенбі, 27 ақпанда ФИФА маусымның үздіктеріне The Best марапаттарын табыс етті.

Жылдың үздік ойыншысы болып ПСЖ клубының және Аргентина құрамасының шабуылшысы Лионель Месси танылды.

Бұл жүлдеге француз ойыншылары Килиан Мбаппе (ПСЖ) мен Карим Бензема («Реал») бар еді.

Жылдың үздік бапкері атағы Аргентина құрамасының бас бапкері Лионель Скалониге берілді. Бұл жүлдеге үміткер үш үміткердің қатарында Карло Анчелотти («Реал») мен Хосеп Гвардиола («Манчестер Сити») болды.

Аргентина құрамасының тағы бір өкілі Эмилиано Мартинес («Астон Вилла») жылдың үздік қақпашысы атанды. Бұл тұрғыда Мартинеске Тибо Куртуа («Реал», Бельгия) мен Ясин Боуну («Севиль», Марокко) бәсекелес болды.