Olimlar ilk bor sun’iy intellekt yordamida yangi viruslar yaratdi

Stenford universiteti olimlari sun’iy intellekt yordamida E. coli bakteriyasini zararlaydigan yangi bakteriofaglar — bakteriyalarni yo‘q qiluvchi viruslarni yaratdi. Tadqiqot natijalari 6-avgust kuni Science jurnalida e’lon qilindi.

Olimlar viruslarni loyihalash uchun Evo 2 sun’iy intellekt modelidan foydalangan. Model mavjud bakteriofagning genetik ma’lumotlari asosida minglab yangi genom variantlarini taklif qilgan. Shundan 300 ga yaqin variant laboratoriyada sinovdan o‘tkazilgan va 16 tasi faol bo‘lgan. Tadqiqotchilar yaratgan bakteriofaglarning ayrim kombinatsiyasi E. coli’ning ikki xil shtammini yo‘q qilishga qodir ekani aniqlangan. Ular ma’lum tabiiy bakteriofaglardan sezilarli darajada farq qiladi.

Olimlarning ta’kidlashicha, tajriba sun’iy intellekt yordamida to‘liq ishlaydigan virus genomlarini loyihalash mumkinligini ko‘rsatdi. Biroq bu texnologiyani boshqa, jumladan odamlar yoki hayvonlarga zarar yetkazishi mumkin bo‘lgan viruslarga qo‘llash mumkinligi hozircha noma’lum.

Tadqiqot yangi dori vositalarini yaratish uchun imkoniyatlar ochishi bilan birga, bioxavfsizlik va sun’iy intellekt yordamida biologik tahdidlarni nazorat qilish masalalarini ham kun tartibiga olib chiqmoqda.

#casia #news #AI #virus