Pokistonda vazir o‘g‘irlab ketildi

Pokistonning Peshovar shahrida Xaybar-Paxtunxva viloyati jamoat ishlari va kommunikatsiyalar vaziri Fazal Shakur Xon qurollangan shaxslar tomonidan o‘g‘irlab ketildi.
Niqobli qurollangan shaxslar vazirning avtomobilini to‘xtatib, g‘ildiraklariga o‘q uzgan va uni noma’lum tomonga olib ketgan. Vazir bilan birga uning haydovchisi va politsiya xodimi ham o‘g‘irlangan.
Vazirning xizmat avtomobili voqea joyida qoldirilgan. Politsiya holat yuzasidan jinoyat ishi ochib, tergov boshlagan.
Hozircha vazir va u bilan birga olib ketilgan ikki kishining qayerdaligi noma’lum. Holat yuzasidan tergov-surishtiruv ishlari boshlangan.