Bokuda haydovchi yo‘lovchilarni avtobusda qoldirib, sigaret chekishga chiqib ketdi

Ozarbayjon poytaxti Bokuda 13-sonli avtobus haydovchisi bekatda yo‘lovchilardan biri adashib "Stop" tugmasini bosganidan so‘ng avtobusni to‘xtatib, eshiklarni qulflagan va tashqariga chiqib sigaret chekkan.

Voqea sabab yo‘lovchilar bilan tortishuv yuzaga kelgan, ayrimlar esa boshqa avtobusga o‘tishga majbur bo‘lgan.

Holat yuzasidan o‘tkazilgan xizmat tekshiruvida haydovchi qo‘pol qoidabuzarlik qilgani aniqlanib, unga nisbatan intizomiy chora ko‘rilgan.