Braziliyada yuz bergan yong‘in kanalizatsiya tarmog‘idagi portlashlarga sabab bo‘ldi

Braziliyaning San-Paulu shtatidagi kimyo zavodida yuz bergan yirik yong‘in oqibatida kanalizatsiya tarmog‘ida bir necha portlashlar sodir bo‘ldi. Mahalliy rasmiylarning ma’lum qilishicha, zavodda saqlangan yonuvchan kimyoviy moddalar alanga ta’sirida bug‘lanib, yer osti kanalizatsiya tarmog‘iga tarqalgan. Natijada kanalizatsiya quduqlarida kuchli portlashlar sodir bo‘lib, ayrim lyuk qopqoqlari havoga otilgan. Hodisa oqibatida halok bo‘lgan yoki jabrlanganlar qayd etilmagan. Hozirda, mutaxassislar yong‘in sabablarini aniqlash hamda uning ekologik oqibatlarini baholash bo‘yicha tekshiruv olib bormoqda.