Jizzaxda 10 yoshli bolaga nisbatan jinsiy zo‘ravonlik holati aniqlandi

Jizzaxda 10 yoshli bolaga nisbatan ikki oy davomida jinsiy zo‘ravonlik sodir etilgani aniqlandi. Gumonlanuvchi 53 yoshli, avval sudlangan erkak bo‘lgan.
Ma’lumotlarga ko‘ra, u bolaning yaqin qarindoshi bo‘lgan va uni voqea haqida hech kimga aytmaslikka qo‘rqitgan. Holat yuzasidan Jinoyat kodeksining 119-moddasi 4-qismi bilan jinoyat ishi qo‘zg‘atilgan.
Gumonlanuvchi prokuraturaga chaqirilgach, yashiringan va 3-oktabr kuni qidiruvga berilgan. 4-oktabr kuni u o‘ziga tegishli qurilishi tugallanmagan binoda vafot etgan holda topilgan.
Uning o‘limi holati ham alohida tekshirilmoqda. Jabrlangan bolaga zarur psixologik va huquqiy yordam ko‘rsatilmoqda.