Somsa

O‘zbek somsasidek lazzatli taomga qoyil qolmasdan ilojingiz yo‘q. Somsani o‘zbek xalqining faxri deb atash mumkin. Mazali, xushbo‘y, issiqqina, mehr bilan pishirilgan somsa o‘zbek dasturxonida alohida o‘rin tutadi. Oʻzbek pazandachiligida #somsa asosan, tandirga yopib dumaloq shaklda tayyorlanadi. Ammo hozirgi kunda uy duxovkalarida uchburchak va to’rtburchak shaklda ham pishirilib kelinmoqda. O‘zbek #milliy oshxonasida somsaning o‘nlab turlari mavjud bo‘lib, ular bir-biridan nafaqat retsept va masalliqlari, balki pishirishning o‘ziga xos usullari bilan ham farqlanadi. Odatda u mayda to‘g‘ralgan go‘sht yoki qiyma go‘shti bilan pishiriladi, ammo buning o‘rniga qovoq, ismaloq, kartoshka, tovuq go‘shti to‘ldiriladigan ajoyib turlari ham bor.