Olot somsa

Buxoro viloyati Olot tumanining madaniy lazzatli taomlaridan biri bo‘lgan Olot somsaning 60 dan ortiq turlari mavjud. Haqiqiy Olot somsa yupqa xamirturushsiz xamirdan tayyorlanadi. Xamirning yupqaligi va maxsus pomidorli qiymasi bilan boshqa somsalardan farq qiladi.

Tayyorlash uchun:                                 
Un, suv va tuz aralashmasidan iborat qattiqroq xamir tayyorlang va uni dam oldiring.

Qiyma uchun:
To‘rtburchak shaklida to‘g‘ralgan mol go‘shti, mayda to‘g‘ralgan piyoz, pomidor, tuz, qalampir va zira qo‘shib aralashtiring.

Dam olgan xamirni 30 grammdan bo‘laklarga bo‘lib, tayyorlangan qiymani soling. Xamirni uchburchak shaklida buking va suvi chiqib ketmasligi uchun uchlarini qayirib qo‘ying. Yuqori haroratda pishirilgan somsani eritilgan sariyog‘ va pomidor sousi bilan dasturxonga tortishingiz mumkin.

Yoqimli ishtaha