Meksikalik narkobaron “El Mencho” oltin tobutda dafn etildi

Meksikaning “Xalisko yangi avlod” karteli yetakchisi “El Mencho” laqabli Nemesio Osegera Servantes 2-mart kuni Gvadalaxara shahrining Zapopan tumanida oltin tobutda ko‘mildi.

59 yoshli sobiq politsiyachi Meksikada 22-fevraldagi harbiy operatsiya davomida olgan jarohatlari sabab vafot etgan. Dafn marosimida ulkan gulchambarlar, ko‘plab harbiy kuchlar va Meksika milliy musiqasi ishtirok etdi. Ayrim gulchambarlarda xo‘roz tasviri aks etgani diqqatni tortgan — Osegera Servantes xo‘roz janglariga qiziqqani sabab ko‘pincha “Xo‘rozlar sohibi” deb atalgan.

Servantesning o‘limi Meksikada 20 ga yaqin shtatda tartibsizlik va qasos hujumlariga sabab bo‘ldi, oqibatda jami 70 dan ortiq odam halok bo‘ldi. Hukumat hozirda kartelning boshqa yuqori martabali a’zolariga qarshi operatsiyalarni davom ettirmoqda.