Makron va Pashinyan sahnada: Siyosat va musiqa uyg‘unligi

 Fransiya Prezidenti Emmanuel Makronning Armanistonga amalga oshirgan rasmiy tashrifi nafaqat muhim siyosiy kelishuvlar, balki kutilmagan samimiy lahzalar bilan ham yodda qoladigan bo‘ldi.

Yerevanda o‘tkazilgan rasmiy kechki ovqat paytida Emmanuel Makron kutilmaganda mikrofonga yaqinlashib, afsonaviy Sharl Aznavurning mashhur “La Bohème” qo‘shig‘ini ijro etdi.

Eng qizig‘i, Armaniston Bosh vaziri Nikol Pashinyan ham chetda turmadi va baraban orqali prezidentga jo‘r bo‘ldi.